ՀԱԿ-ն այսօր կարձագանքի Նիկոլ Փաշինյանի խնդրանքին

ԱԺ ՀԱԿ խմբակցությունն այսօր կպատասխանի նույն խմբակցության պատգամավոր Նիկոլ Փաշինյանի նամակին. այսօր խորհրդարանում լրագրողներին հայտնեց ԱԺ ՀԱԿ խմբակցության ղեկավար Լևոն Զուրաբյանը:

Նիկոլ Փաշինյանը, ով Հրազդանի քաղաքապետի թեկնածու Սասուն Միքայելյանի նախընտրական շտաբի ղեկավարն է, նամակով դիմել էր ՀԱԿ խմբակցությանը` խնդրելով Հրազդանի քաղաքապետի ընտրություններում ՀԱԿ վստահված անձանց տեղերը «Քաղաքացիական պայմանագիր» կուսակցությանը տրամադրել:

Լևոն Զուրաբյանը, լսելով լրագրողների այն հարցադրումը, թե ե՞րբ է պատրաստվում արձագանքել Փաշինյանի նամակին, նախ զարմացավ` թե որտեղի՞ց այդ ինֆորմացիան, ապա պատասխանեց, որ նամակը ստացել է: Լրագրողներն ասացին, որ նամակը հրապարակվել է մամուլում: Դրանից հետո Զուրաբյանը տեղեկացրեց, որ պատասխանը կլինի այսօր: