Պուտինը պատասխանել է Թրամփի՝ Կուրսկի մարզում ուկրաինական զորքերին խնայելու խնդրանքին

ՌԴ նախագահ Վլադիմիր Պուտինը հանդիպում է անցկացրել Անվտանգության խորհրդի մշտական անդամների հետ։ Այս մասին հայտնում է rg.ru-ն։

«ԱՄՆ նախագահի կոչն արդյունավետ իրականացնելու համար անհրաժեշտ է Ուկրաինայի ռազմաքաղաքական ղեկավարության համապատասխան հրամանը, որպեսզի նրա զորամասերը վայր դնեն զենքերը և հանձնվեն»,- հայտարարել է ՌԴ նախագահը։

 Միևնույն ժամանակ Պուտինը հիշեցրել է, որ ուկրաինացի զինյալները Կուրսկի շրջանի ներխուժման գոտում բազմաթիվ հանցագործություններ են կատարել խաղաղ բնակչության դեմ, և այս ամենը ՌԴ գլխավոր դատախազության կողմից որակվում է որպես ահաբեկչություն։

 Հանդիպմանը քննարկվել է նաև ընդհանուր առմամբ ռուս-ամերիկյան հարաբերությունների վերականգնման հարցը։