Ռուսաստանն ու ԵՄ-ն ընդառաջել են Ամիրյան 4-ի 8 ընտանիքների` ապաստան տրամադրելու խնդրանքին

Երևանի Ամիրյան 4 հասցեի 8 ընտանիքներ բաց նամակով դիմել են ԵՄ-ին և Ռուսաստանի կառավարությանը` հայտնելով իրենց շնորհակալությունը:

«Մենք` Երևան քաղաքի Ամիրյան փողոցի բնակիչներս, արդեն 10 տարի է, ինչ ՀՀ պետական պաշտոնյաների անձնական շահերի հետևանքով զրկված լինելով մեր սեփական բնակարաններում բնակվելու մեր Սահմանադրական իրավունքից (հոդված 31), (Երևանի քաղաքապետարանի և կառուցապատողի միջև 2004 թ. հուլիսի 23-ին կնքված պայմանագիր) դիմել էինք Ձեզ, խնդրելով ապաստան տրամադրել մեզ: Ցանկանում ենք մեր խորին շնորհակալությունը հայտնել գործի էությունը ճիշտ ընկալելու և մեզ ընդառաջելու համար: Հարգանքով փ. Ամիրյան 4-ի ութ ընտանիքներ:

Հ.Գ. Իսկ ՀՀ-ում գաղջ մթնոլորտի միակ պատասխանատու ՀՀ պետական պաշտոնյաները շարունակում են աճպարարությամբ արդարացնել իրականում 30 արծաթի համար իրենց կողմից իրականացվող հայրենակիցների սպիտակ ցեղասպանությունը, որը անսահման հրճվանք է պատճառում թուրքերին»,- ասված է բնակիչների տարածած հաղորդագրությունում: