«Հայկական վերածնունդ»-ին որոշ քաղաքական ուժեր նախանձում են. խոսնակ

«Հայկական վերածնունդ» հասարակական-քաղաքական միավորման մամուլի խոսնակ Վահե Մոսինյանը Yerkir.am-ի հետ զրույցում նշեց, որ մինչև հիմա իրենց կազմակերպությանն են միացել 150-ից ավելի կազմակերպություններ: Ըստ նրա` համացանցում տարածում գտած այն տեղեկությունը, թե իրենց են միացել տարօրինակ անուններով մի շարք կազմակերպություններ, պարզապես սարկազմի դրսևորում է:

Մոսինյանի խոսքով` ֆեյսբուքյան տարածքում բացված էջերի ստեղծման հիմքում նախանձն է: Նրա կարծիքով` մասնավորապես` «Կույս կանանց միավորում»-ը  ստեղծված է «Հայկական  վերածնունդ»-ին վարկաբեկելու համար: «Կարծում եմ` սա նաև նախանձի դրսևորում է:  Մարդիկ նախանձից են նման բան արել, ու չեմ կարծում, որ նախանձը քաղաքական կատեգորիա չէ: Կոնկրետ ուժի մասին չեմ կարող նշել, բայց չեմ բացառում, որ  դրանք նաև քաղաքական որոշ ուժեր կարող են լինել»,- ասաց Մոսինյանը: