Ես Արցախում դեռ անելիքներ ունեմ. Արթուր Աղաբեկյանը՝ ՀՀ-ում պաշտոն ստանալու մասին

ԼՂՀ փոխվարչապետ Արթուր Աղաբեկյանը ֆեյսբուքյան իր էջում գրել է. «Բարի լուր ունեմ հաղորդելու հանուն հայրենիքի գործող բոլոր լրատվամիջոցներին՝ վերջերս բարձրաձայնել եմ, ևս մի անգամ ցանկանում եմ բարձրաձայնել, որ ես Արցախում մեծ աշխատանք եմ սկսել, որը դեռ երկար ժամանակ է պահանջում ավարտին հասցնելու համար:

Պաշտոնը չէ, որ ինձ պահում է Արցախում, այլ Արցախի հետ կապված իմ բազում՝ այդ թվում Արցախի տնտեսական զարգացմանը միտված ծրագրերը: Եվ ես դեռ բազում անելիքներ ունեմ հանուն Արցախի զարգացման և արցախցու բարեկեցիկ և պատվաբեր կյանքի ապահովման»:

Հիշեցնենք, որ մամուլը գրել էր, թե Արթուր Աղաբեկյանը նշանակվելու է ԱԱԽ քարտուղար: