Ստամբուլում դաժանաբար սպանված տղամարդը հայտնի ոսկերիչ էր. նոր մանրամասներ

Ինչպես արդեն տեղեկացրել էինք, Ստամբուլում հարձակման էր ենթարկվել տարեց զույգ. նրանց կողոպտել էին, կապել եւ հեռացել: Ամուսինը մահացել էր, իսկ կինը ծայրահեղ ծանր վիճակում էր:

Ստամբուլում լույս տեսնող «Ժամանակ» օրաթերթը հայտնում է, որ չարագործների զոհերը  հայտնի ոսկերիչներից 87-ամյա Պետրոս Դեմիրճին (Յակուբ) ու նրա կինը` 79-ամյա Սեդա-Աիդա Դեմիրճին են եղել: 

Տարեց ամուսինները  մենակ են եղել` Ջումհուրիեթ թաղամասի իրենց տանը: Նրանց բնակարան են ներխուժել երեք տղամարդ, դաժանորեն ծեծել,  կապկպել ամուսիններին և թալանել տունը՝ տանելով մեծ քանակությամբ գումար և ոսկեղեն: Ապա տան սպասուհին, անհանգստանալով, որ դռան թակոցներին տանտերերը չեն արձագանքել, զանգահարել էր ոստիկանություն:

Նշվում է  որ Պետրոս Դեմիրճին  Ստամբուլի «Փակ շուկայի»  «Ֆելեմենք» ոսկերչական հաստատության սեփականատերն էր: