Ակումբի ղեկավարությունը մեծ հույսեր է կապում ինձ հետ. Հայկ Գալստյան

Արդեն հայտնել ենք, որ ֆուտբոլի Հայաստանի մինչև 19 տարեկանների հավաքականի կիսապաշտպան Հայկ Գալստյանը պայմանագիր է ստորագրել 2-րդ Բունդեսլիգայում հանդես եկող «Բոխում»-ի հետ: Այս առիթով Yerkir.am-ը կարճ զրույց ունեցավ ֆուտբոլիստի հետ:

«Հրավեր ստացա «Բոխում»-ից, որն ինձ  շատ հետաքրքրեց: Պայմանագիր եմ ստորագրել 2.5 տարով: Ակումբի ղեկավարության հետ պայմանավորվածություն կա, որ մարզվելու եմ հիմնական թիմի կազմում, բայց դեռևս խաղալու եմ մինչև 19 տարեկանների թիմում, որը համարվում է «Բոխում»-ի 2-րդ թիմը: Ակումբի ղեկավարությունն ինձ հավատում է և մեծ հույսեր է կապում ինձ հետ: Ինձ շանս է տրված, իսկ թե երբ կխաղամ հիմնական թիմում, դա արդեն կախված է ինձանից»,- ասաց Հայկ Գալստյանը: