Ալիևը ԼՂ հարցով մեծ հույսեր է կապում Թրամփի հետ

Ադրբեջանի նախագահ Իլհամ Ալիևը շնորհավորական ուղերձ է հղել ԱՄՆ նախագահ Դոնալդ Թրամփին` ԱՄՆ անկախության օրվա կապակցությամբ. հայտնում է Minval.az-ը:

Նշվում է, որ ուղերձում Ադրբեջանի ղեկավարն անդրադարձել  նաև ԼՂ հակամարտությանը:

«Մենք մեծ հույսեր ենք կապում ԱՄՆ-ի հետ` որպես ԵԱՀԿ ՄԽ համանախագահ երկրի, և անձամբ Ձեզ հետ, պարո'ն նախագահ, ԼՂ հակամարտության խաղաղ և արդարացի կարգավորման հարցում` միջազգային իրավունքի նորմերին համապատասխան և մեր երկրի տարածքային ամբողջականության շրջանակում»,-ասվում է տեքստում:

Ալիևը նաև նշում է, որ Ադրբեջանին և ԱՄՆ-ին կապում են բարեկամական ու գործընկերական հարաբերություններ: