Զարուհի Փոստանջյանը և «Վլադիմիրի բանտ»-ը

Այս օրերին «Ժառանգություն» խմբակցության ղեկավար Զարուհի Փոստանջյանը թե՛ իր սենյակում, թե՛ ԱԺ նիստերի դահլիճում կարդում է հայ  ժամանակակից գրողներից մեկի գիրքն այն մասին, թե ինչպես է մարդը խորհրդային տարիներին  իր քաղաքական հայացքների համար հայտնվում ռուսական հին բանտերից մեկում՝ Վլադիմիր քաղաքի բանտում:

Հարցին, թե հնարավո՞ր է, որ ընդդիմադիր Զարուհի Փոստանջյանն էլ իր քաղաքական հայացքների համար հայտնվի բանտում, նա պատասխանեց. «Ոչինչ չի բացառվում: Լինելով փաստաբան՝ ես շատ եմ շփվել ՔԿՀ-ների պետերի հետ:վՆրանցից մեկին մի անգամ ասացի. «Իսկ Ձեր նախորդը հիմա ո՞ւր է…»: Ն,ախորդը իհարկե, հայտնվել էր բանտախցում: Այդ ՔԿՀ պետը  մտածեց, մտածեց ու համաձայնեց, որ իսկապես կա խնդիր, որ կարող է մի օր էլ ինքը հայտնվել բանտախցում: Այնպես որ՝ ՔԿՀ պետերը պետք է կալանավորների նկատմամբ ցուցաբերեն  պատշաճ մարդկային վերաբերմունք, որովհետև նման պետության մեջ, որում մենք ենք ապրում, ոչ ոք ապահովագրված չէ նման բաներից»:

Զարուհի Փոստանջյանը թեև չի եղել բանտարկյալ, սակայն եղել է  մեղադրյալ՝  իր փաստաբանական դիրքորոշման համար:  «Այնպիսի մի տարածքում ենք ապրում, ուր գործում է ավտորիտար ռեժիմը, հետևաբար, ոչինչ բացառել հնարավոր չէ»,- ասաց նա: