ԱՄՆ-ի գազը «Գազպրոմ»-ին ստիպում է իջեցնել գները. The Financial Times

Ամերիկյան հեղուկ բնական գազի  եվրոպական շուկա մուտքի հեռանկարը ռուսական «Գազպրոմ»-ին ստիպում է հետևել նավթային շուկայում Սաուդյան Արաբիայի վարած ռազմավարությանը և կիրառել այն գազային շուկայում՝ այդկերպ պատերազմ սկսելով տվյալ շուկայում: Այդ մասին գրում է The Financial Times-ը։

 «Կարող է թվալ, որ  գազի գնային պատերազմի մեջ մտնելը վերջին բանն է Ռուսաստանի համար, որով երկիրը պետք է զբաղվի նավթի ցածր գների պայմաններում։ Սակայն վերլուծաբանները նշում են, որ այդ մեթոդը ռացիոնալ է և ձեռնտու է «Գազպրոմ»-ին»,-գրում է պարբերականը։

 Գազի հսկայական պաշարների օգնությամբ «Գազպրոմ»-ը կարող է նվազեցնել գազի միջին գինը Եվրոպայում և հետ նվաճել շուկան, քանի որ ԱՄՆ-ին այլևս ձեռնտու չի լինի գազի վաճառքը: