Դա, կարծես, Ձմեռ պապիկից մի մեծ նվեր լիներ. Միհրան Մանասյան

Ֆուտբոլի Հայաստանի բարձրագույն խմբի ընթացիկ առաջնության լավագույն ռմբարկու, «Ալաշկերտ»-ի հարձակվող Միհրան Մանասյանի համար յուրաքանչյուր Ամանոր էլ հիշարժան է: «Բայց ամենահիշարժան տարին տղայիս ծննդյան տարին էր: Դա, կարծես, Ձմեռ պապիկից մի մեծ նվեր լիներ»,- Yerkir.am-ի հետ զրույցում ծիծաղելով ասաց նա:

Ֆուտբոլիստը, երբ փոքր էր, Ձմեռ պապից փոքր գնդակ և խաղակոշիկ է խնդրել: «Ես և եղբայրս Ձմեռ պապից նվեր էինք ուզել: Մայրիկն առել էր նվերն ու դրել պահարանի մեջ: Ես պատահական պահարանում տեսա նվերն ու այդ օրվանից հասկացա, որ Ձմեռ պապ իրականում չկա»,- պատմեց նա:

Մանասյանը տոնական սեղանը գցելու հետ առանձնապես սեր չունի: «Կողքից նայում եմ, թե երբ  են վերջացնելու, որ սկսեմ ուտելը»,- կատակում է նա: «Իսկ խոզի բո՞ւդ, թե՞ տոլմա»,- հետաքրքրվում ենք մեկ: Պատասխանը միանշանակ է՝ տոլմա: Հետո հավելում է՝ առանց մսի չի պատկերցնում ամանորյա սեղանը:

Երազանքների մասին չի սիրում խոսել: Ավելի ճիշտ` ասում է. «Երազանքներ ընդհանրապես չեմ պահում»: