Վերջին խաղերում հավատով էինք գործում. Միհրան Մանասյան

Ֆուտբոլի Հայաստանի Բարձրագույն խմբի ավարտված առաջնությունում նախորդ մրցաշրջանի լավագույն ռմբարկու` «Ալաշկերտ»-ի հարձակվող Միհրան Մանասյանը դարձավ 9 գոլի հեղինակ:   Yerkir.am-ի հետ զրույցում ֆուտբոլիստը խոսեց ավարտված մրցաշրջանում իր ելույթների, ապագա ծրագրերի, ինչպես նաև Եվրոպա լիգայի որակավորման փուլի սպասելիքներից:

-Նախորդ մրցաշրջանում 17 գոլով ճանաչվեցիք առաջնության լավագույն ռմբարկու: Ի՞նչը խանգարեց այս տարի կրկնել այդյունավետությունը:

 -Ինձ համար մրցաշրջանը անհաջող սկսվեց, քանի որ վնասվածքի պատճառով բաց թողեցի առաջնության սկզբնամասը, ինչն էլ խանգարեց կրկնել անցած մրցաշրջանի արդյունավետությունը: Նույնիսկ մեկ մարզում բաց թողնելը խաղադաշտում զգացնել է տալիս:

-Ի՞նչը օգնեց «Ալաշկերտ»-ին վերջին խաղերում լավ հանդես գալ և նվաճել Եվրոպա լիգայի ուղեգիր:

 -Վերջին խաղերում մեր թիմն ավելի համախմբված գործեց, հավատալով որ հնարավոր է գրավել 4-րդ հորիզոնականը:

-Ի՞նչ սպասելիքներ ունեք Եվրոպա լիգայից:

 - Պետք է փորձենք հաջող խաղալ ինչքան որ մեր ուժը թույլ կտա:

-Ի՞նչ ծրագրեր ունեք առաջիկայում: 

-Ինչպես բոլոր պրոֆեսինոնալ ֆուտբոլիստները, այդպես էլ ես, ցանկանում եմ խաղալ ավելի բարձրակարգ թիմում, բայց հիմա միայն մտածում եմ Եվրոպա լիգայի որակավորման փուլում իմ թիմին օգնելու մասին:  

Երվանդ ՀԱԿՈԲՅԱՆ