ՀՀԿ-ն եւ ԲՀԿ-ն չմասնակցեցին քվեարկությանը

ԱԺ-ում քվեարկության դրվեց «Ժառանգություն» խմբակցության ղեկավար Զարուհի Փոստանջյանի կողմից ներկայացված` «Թուրքիայի Հանրապետության կողմից հայրենի բնօրրանի տարածքների բռնազավթման և հայերի մեծ հայրենազրկումը դատապարտելու մասին» օրենքի նախագիծը:

ԱԺ նախագահ Գալուստ Սահակյանը ներկայացրեց ՀՀԿ խմբակցության տեսակետը` ասելով, որ Հանրապետականը չի մասնակցի անհեթեթ որակումներով ու շարադրանքով օրինագծի քվեարկությանը, և որ դա կարող է լինել Զարուհի Փոստանջյանի ազգային երազանքը, բայց ոչ օրենքի խնդիր:

ԲՀԿ խմբակցության պագամավոր Միքայել Մելքումյանը վարման կարգով հայտարարեց, որ ԲՀԿ-ն նույնպես չի մասնակցելու քվեարկությանը:

ԱԺ ՀԱԿ խմբակցության պատգամավոր Նիկոլ Փաշինյանը նույնպես չմասնակցեց քվեարկությանը և վարման կարգով պարզաբանեց, թե ինչու չի մասնակցում: Նա նշեց, որ ինքը ներկա չի եղել այդ օրենքի նախագծի քննարկմանը, ուստի չի մասնակցի քվեարկությանը: