Արմեն Սմբատյանը չցանկացավ մեկնաբանել Րաֆֆի Հովհաննիսյանի արարքը

Այսօր լրագրողները ՀՀ հանրաքվեի կենտրոնական հանձնաժողովի քարտուղար Արմեն Սմբատյանից հետաքրքրվեցին, թե ի՞նչ իրավական հետևանք կարող է ունենալ «Ժառանգություն» կուսակցության նախագահ Րաֆֆի Հովհաննիսյանի արարքը՝ քվեաթերթիկը հրապարակայնորեն պատռելն ու քվեատուփի մեջ գցելը:

Արմեն Սմբատյանը նշեց, որ չի ցանկանում մենկաբանել այդ արարքը, քանի դեռ հանրաքվեն չի ավարտվել: «Թույլ տվեք այս պահին չարձագանքել այդ դեպքին, քանի որ դա կարող է քաղաքական ընկալումներ պարունակել: Կենտրոնական ընտրական հանձնաժողովն արհեստավարժ մարմին է, եթե դա դիտարկվի ընտրական վարչարարության, ընտրախախտման կամ քվեարկության ազդեցության տեսանկյունից` հանձնաժողովը կտա կոլեգիալ որոշման որակում»,- ասաց նա: