Ռուսներն օգտագործում են հայերին. Հայոց ցեղասպանության ճանաչման դեմ պայքարող թուրքական կազմակերպության նախագահ

Թուրքիայում Հայոց ցեղասպանության ճանաչման դեմ պայքարող միության նախագահ Գյոքսել Գյուլբեյը դատապարտել է ՌԴ խորհրդարանում Հայոց ցեղասպանության ժխտումը քրեականացնող օրինագիծ օրակարգ բերելու որոշումը:

Ըստ Haberler-ի՝ Գյոքսելն ասել է, որ ռուսները, ինչպես 100 տարի առաջ, այնպես էլ այժմ օգտագործում են հայերին: «Հայկական հարցում Ռուսաստանի դերը մեծ է»,- հայտարարել է հակահայ գործիչը՝ շեշտելով նաև Ղարաբաղյան հարցում ՌԴ-ի դերակատարությունը:

«Ռուսաստանն այդ օրենքը Թուրքիային սպառնալու համար է բերել խորհրդարանի օրակարգ: Մենք թույլ չենք տալու, որ Ռուսաստանը խաղա այն խաղը, ինչպես 100 տարի առաջ:  Դեկտեմբերի կեսերին Տրապիզոնում Ռուսաստանի հյուպատոսարանի դիմաց կներկայացնենք լուսանկարչական մեր ցուցահանդեսը, որում կտեսնեք, որ իրական ցեղասպանությունը Ռուսաստանն իրականացրել է մեր դեմ»,- ասել է Գյոքսելը: