Տուլայում ողբերգական դեպքից հետո կառավարությունը փորձում է կարգավորել ոչ կանոնավոր ուղևորափոխադրումների ոլորտը

Այսօր կառավարության նիստում հաստատվեցին «Ավտոմոբիլային տրանսպորտի մասին» օրենքում փոփոխություններ և լրացումներ կատարելու մասին», «Վարչական իրավախախտումների վերաբերյալ օրենսգրքում փոփոխություններ և լրացումներ կատարելու մասին» և «Պետական տուրքի մասին» օրենքում լրացում կատարելու մասին» օրինագծերը:

Հիմնական զեկուցող` տրանսպորտի և կապի նախարար Գագիկ Բեգլարյանը նշեց, որ «Ավտոմոբիլային տրանսպորտի մասին» օրենքում փոփոխություններ և լրացումներ կատարելու մասին» նախագծով առաջարկվում է կանոնակարգել միջպետական ոչ կանոնավոր ուղևորափոխադրումների իրականացման գործընթացը`  պահպանելով միջպետական ոչ կանոնավոր ուղևորափոխադրումների սկզբունքը, հստակ կանոններ ու պահանջներ սահմանելով դրանց իրականացման համար, պահպանելով ուղևորափոխադրումների անվտանգությունը և սպասարկման որակը:

«Ես էլ եմ այստեղ խնդիր տեսնում: Երեք օր ժամանակ, եթե այդ ընթացքում չկարողանաք ընդհանուր հայտարարի գալ, մի հատ ինձ մոտ կհավաքվեք, որ արագ որոշում կայացնենք»,- ասաց վարչապետ Հովիկ Աբրահամյանը:

Հիշեցնենք, որ նոյեմբերի 3-ին Տուլայի մարզում խոշոր ավտովթար էր տեղի ունեցել: Մոսկվա-Երևան ոչ կանոնավոր ուղևորափոխադրում իրականացնող ավտոբուսը վթարի էր ենթարկվել, զոհվել էր 9 մարդ: Տուլայում տեղի ունեցած ոբերգական ավտովթարից հետո կառավարությունը որոշեց նախաձեռնությամբ հանդես գալ և կարգավորել ոչ կանոնավոր ուղևորափոխադրումների ոլորտը` նման ողբերգական դեպքերից խուսափելու համար: