Այս պահին Երևանում sett-weather
Փոխարժեքներ 07 08 2025
USD ⚊ $ 384.03
EUR ⚊ € 443.29
RUB ⚊ ₽ 4.795
GBP ⚊ £ 510.11
GEL ⚊ ₾ 142.29
կարևոր
0 դիտում, 9 տարի առաջ - 2015-11-25 14:30
Քաղաքական

Սերբիան Հայաստանը դիտարկում է որպես բարեկամ պետություն. Բրատիսլավ Գաշիչ

Սերբիան Հայաստանը դիտարկում է որպես բարեկամ պետություն. Բրատիսլավ Գաշիչ

Նոյեմբերի 25-ին ԱԳ նախարար Էդվարդ Նալբանդյանն ընդունեց Սերբիայի պաշտպանության նախարար Բրատիսլավ Գաշիչին։

Ողջունելով հյուրին՝ նախարար Նալբանդյանն անդրադարձավ Հայաստանի և Սերբիայի միջև վերջին տարիներին դինամիկ զարգացող հարաբերություններին՝ ընդգծելով համագործակցության առավել զարգացման նպատակով հավելյալ քայլերի անհրաժեշտությունը։ Այս համատեքստում Էդվարդ Նալբանդյանը կարևորեց Հայաստանի և Սերբիայի պաշտպանության նախարարությունների միջև ձևավորվող փոխգործակցությունը։

Շնորհակալություն հայտնելով ընդունելության համար՝ նախարար Գաշիչը հավաստեց, որ Սերբիան Հայաստանը դիտարկում է որպես բարեկամ պետություն և հետաքրքրված է ՀՀ հետ հարաբերությունների հետագա զարգացմամբ և ընդլայնմամբ: Նա երախտագիտություն հայտնեց Կոսովոյի հիմնախնդրի կապակցությամբ Հայաստանի սկզբունքային դիրքորոշման համար, որը վերջերս արտացոլվեց նաև ՅՈՒՆԵՍԿՕ-ում Կոսովոյի անդամակցության հարցով քվեարկությամբ։

Էդվարդ Նալբանդյանը հյուրին ներկայացրեց ղարաբաղյան հիմնահարցի բացառապես խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը