Հերոինի հայտնաբերմամբ սկսվեց կոռուպցիայի բացահայտումը. Քըլըչթարօղլու

Թուրքիայում ընդդիմադիր Ժողովրդա-հանրապետական կուսակցության նախագահ Քեմալ Քըլըչթարօղլուն սենսացիոն հայտարարություններ է արել դեկտեմբերի 17-ի հակակոռուպցիոն գործողության մասին:

Ըստ Taraf-ի՝ Քըլըչթարօղլուն պնդել է, որ դեկտեմբերի 17-ի գործընթացը սկսվել է դեռեւս երկու տարի առաջ, երբ Էդիրնեում բեռնատարի մեջ հերոին էին հայտնաբերել:

«Դեկտեմբերի 17-ը մի ամսաթիվ է, որը ցույց տվեց, թե ինչպես է երկիրը թալանվում: Դեկտեմբերի 17-ը վկայում է երկրի թալանման մասին: Այնպիսի տպավորություն է, թե իշխանությունը այդ օրը հրահանգեց բացահայտել կոռուպցիայի գործը: Նման բան չկա: 2014 թվականին Քափըքուլեում մի բեռնատարի մեջ հերոին էին հայտնաբերել, ահա սա է այդ գործողության սկիզբը»,- ասել է նա: