Սահմանամերձ գյուղական համայնքներն ազատվեցին հարկերից. օրենքի նախագիծն ընդունվեց

Մեկնարկել է ԱԺ արտահերթ նիստի երրորդ օրը: Նիստի մեկնարկին քվեարկության դրվեցին մի շարք օրինագծեր:

Կառավարության կողմից ներկայացված՝ ՀՀ դատական օրենսգրքում փոփոխություններ կատարելու մասին օրենքի նախագիծն առաջին ընթերցմամբ՝  ձայների՝ 85 կողմ, 3 դեմ և 11 ձեռնպահ հարաբերակցությամբ ընդունվեց:

«Հարկերի մասին» ՀՀ օրենքում լրացումներ կատարելու մասին օրենքի նախագիծն առաջին ընթերցմամբ ընդունվեց` ձայների՝ 88 կողմ, 2 դեմ և 13 ձեռնպահ  հարաբերակցությամբ:

Միաձայն`103 կողմ ձայներով ընդունվեց ՀՀ սահմանամերձ գյուղական համայնքներում իրականացվող գործունեությունը հարկերից ազատելու մասին օրենքում փոփոխություններ և լրացումներ կատարելու մասին օրինագիծը:

Ի թիվս այլ նախագծերի, ընդունվեց նաև «Դրամարկղային գործողությունների մասին» օրենքում փոփոխություն կատարելու մասին օրինագիծը՝ ձայների՝ 81 կողմ, 2 դեմ, 19 ձեռնպահ հարաբերակցությամբ:

64 կողմ, 6 դեմ, 28 ձեռնպահ ձայներով հաստատվեց նաև «Կենտրոնական բանկի մասին» ՀՀ օրենքում լրացումներ և փոփոխություններ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու հարցը: