Սմբատ Հակոբյանին փորձել են մեղադրել բռնաբարության մե՞ջ

Ազատամարտիկ Ժորա Ֆարյանը Yerkir.am-ի հետ զրույցում խոսեց ազատամարտիկ Սմբատ Հակոբյանին ծեծի ենթարկելու մասին: Նա նախ նշեց, որ անձամբ Սմբատի հետ ընկերություն չի արել, որ պատերազմի տարիներին Սմբատը համարվում էր Հայաստանի զինված ուժերի ղեկավարի ամենահավանական թեկնածուն: Նա ՀՀՇ-ից էր, համակարգում էր զինված ուժերը, և բոլորը նրան գիտեին որպես «Կոմսոմոլի Սմբո»: Հետո ինչ-ինչ պատճառներով նրա թեկնածությունը չեղյալ համարվեց, և Վազգեն Սարգսյանը դարձավ զինված ուժերի ղեկավար:

«Սմբատ Հակոբյանը բերդ էր նստել, նրան փորձեցին մեղադրել բռնաբարության մեջ և հեռացրեցին զինված ուժերի համակարգից: Մենք այն ժամանակ չէինք հավատում, որ Սմբատը կարող է նման գործով մեղադրվել»,- ասաց Ժորա Ֆարյանը:

Դիտարկմանը, որ Սմբատ Հակոբյանը պնդում է, որ իրեն ծեծել են քաղաքական հայացքների համար, Ժորա Ֆարյանը պատասխանեց, որ անհավանական է համարում այդ վարկածը,  քանի որ հիմա Սմբատ Հակոբյանը լուրջ քաղաքական դեր ու կշիռ չունի, որ դրա համար նրան ծեծեն: Նրա խոսքով` ծեծի պատճառները կարող են շատ տարբեր լինել` կենցաղայինից մինչև անձնական, մնում է բացահայտել: