Վանաձորցի անչափահասն ընկերոջը ստիպել էր ամուսնանալ, մերժվելով՝ տղային մեղադրել էր բռնաբարության մեջ

Վանաձորի բնակչուհի Աննան (անունը փոխված է) 2014 թվականի հոկտեմբերի սկզբներին odnoklassniki.ru կայքի միջոցով ծանոթացել և շուրջ 2 ամիս ծնողներից գաղտնի հանդիպել է Արմենի հետ. հայտնում է «Փաստինֆո»-ն:

«Արմենը (անունը փոխված է) նաև խոստացել է ամուսնանալ նրա հետ: Բայց հոկտեմբերի 23-ին, կեսօրին Վանաձորի Երկաթուղայինների այգում հերթական հանդիպման ժամանակ Արմենն ասել է, որ շուտով պետք է մեկնի զինծառայության:

Աննան այդ լուրից վրդովվել է, ընկերջը մեղադրել իրեն խաբելու մեջ և սպառնացել նրան պատասխանատվության ենթարկել: Վեճը բորբոքվել է այն աստիճան, որ աղջիկը գոռգռացել է, քաշքշել Արմենին` պահանջելով անհապաղ ամուսնանալ իր հետ: Իսկ երբ տղան հեռացել է, իր հետ չամուսնանալու համար նրանից վրեժխնդիր լինելու նպատակով Աննա մոտեցել է այգում ծառայություն իրականացնող ոստիկաններին ու հայտնել, որ ընկերն այգում իրեն ծեծելուց և բռնաբարելուց հետո դիմել է փախուստի:

Այնուհետև նույն օրը Վանաձորի ոստիկանության բաժնում Աննան նաև հանցագործության մասին գրավոր հաղորդում է ներկայացրել` նշելով, որ Արմենը, դանակի սպառնալիքով և քնաբեր դեղամիջոց տալով իրեն, բռնաբարել է: Սակայն, նախաքննական մարմինը շատ արագ պարզել է իրողությունը: Արդյունքում՝ ընկերոջ նկատմամբ սուտ մատնություն կատարած աղջիկն ինքն է հայտնվել մեղադրյալի կարգավիճակում»,- տեղեկանում ենք կայքից:

Մանրամասն՝ սկզբնաղբյուրում: