Ռաբիսը կարծես նահանջում է. Լևոն Մալխասյան

Այս օրերին Հայաստան են ժամանել մի շարք անվանի ջազմեններ. այսօր Կ. Դեմիրճյանի անվան մարզահամերգային համալիրում տեղի կունենա Երևանյան միջազգային ջազ փառատոնի բացումը:

Yerkir.am-ի հետ զրույցում սիրված երաժիշտ Լևոն Մալխասյանը նշեց, որ յուրաքանչյուր ոճ իր կյանքով է ապրում, իսկ ջազը ոչ միայն իր կյանքով է ապրում, այլ նաև ապրեցնում է:

«Վերջին շրջանում նկատելի են փոփոխություններ, դրական փոփոխություններ` ռաբիսն ինչ-որ տեղ կարծես նահանջում է: Հասկանո՞ւմ եք` մենք չենք ասում` ընդհանրապես չհնչի, ուղղակի յուրաքանչյուր երաժշտություն իր տեղը պետք է ունենա: Ինձ շատ է ուրախացնում հատկապես այն փաստը, որ երիտասարդները սկսել են որակով երաժշտություն լսել և ոչ միայն ջազ»,- ասաց նա: