Բելաջոյի Գրիշը գոհ է նախագահի հետ հանդիպումից

Արդեն տեղեկացրել ենք, որ ՀՀ նախագահի նստավայրում սահմանադրական բարեփոխումների շուրջ անցկացվող խորհրդակցությունների շրջանակում Սերժ Սարգսյանն այսօր հանդիպում է ունեցել է ՀՀ Ազգային ժողովի մի քանի պատգամավորների հետ: ԲՀԿ խմբակցության պատգամավոր Գրիգորի Մարգարյանը Yerkir.am-ի հետ զրույցում նշեց, որ նախագահի հետ հանդիպումը, որի շրջանակներում քննարկվել են սահմանադրական բարեփոխումները, արդյունավետ է անցել: Խոսելով իր կողմից ներկայացվելիք առաջարկների մասին` նա ասաց, որ ժամանակը կգա, և ինքն անպայման կներկայացնի դրանք:

«ԱԺ-ում քննարկելու ժամանակը երբ գա, այն ժամանակ էլ առաջարկներ կներկայացնենք: Ընդհանուր առմամբ, գոհ եմ սահմանադրական բարեփոխումների` հրապարակված տեքստից»,- ասաց Մարգարյանը` հավելելով, որ ինչ կետերի հետ էլ համամիտ չլինի, քննարկումների ընթացքում այդ մասին կբարձրաձայնի: