Ստերլիգովը վերադարձել է Շուշի

Ռուս միլիարդատեր Գերման Ստերլիգովը վերադարձել է Շուշի: Այդ մասին  նա հայտնել է «В Контакте»-ի իր էջում՝ դիմելով ադրբեջանական և ռուսական մամուլին:

«Ադրբեջանական և ռուսական մամուլի մի մասը մի ամբողջ շաբաթ զրպարտել է ինձ՝ ասելով, որ ես իբր «փախել եմ Լեռնային Ղարաբաղ»՝ թաքնվելով ՌԴ ոստիկանությունից։ Նվաստանալու և որևէ բան ապացուցելու փոխարեն ես որոշել եմ մի քանի օրով վերադառնալ Ռուսաստան:

Լրանում է Մոսկվայում գտնվելու իմ 3-րդ օրը, և ես հայտնում եմ, որ ՌԴ-ի իրավապահ մարմիններն իմ հանդեպ ոչ մի հետաքրքրություն չեն ցուցաբերել։ Թեման համարում եմ փակված և վերադառնում եմ Ղարաբաղ՝ կնոջս և երեխաներիս մոտ»,- գրել է Ստերլիգովը։