Բաղրամյանում նստադուլը տեղի էր ունենում Ավետարանական եկեղեցու կողքին. Ալեքսանդր Ամարյան

Բաղրամյան պողոտայում պայքարողների մեջ կային կրոնական տարբեր կառույցների ներկայացուցիչներ, բայց նրանք գնացել էին սոցիալական խնդրի համար պայքարելու, ոչ թե` քարոզելու. լրագրողների հետ հանդիպման ժամանակ կարծիք հայտնեց Քայքայիչ պաշտամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանը:

Ըստ նրա` ուշագրավ է այն հանգամանքը, որ նստադուլը տեղի էր ունենում Ավետարանական եկեղեցու կողքին` 70-80 մետր հեռու: «Ավետարանական եկեղեցին իրեն համարում է «քույր կառույց» մեր եկեղեցուն, սակայն այն չի կարող լինել քույր կառույց. եթե ծնողը զավակ է ունենում, զավակը չի դառնում, չէ՞, ծնողի քույրը: Իսկ, առհասարակ, Բաղրամյանում տարված պայքարը գովելի էր մինչև այն պահը, երբ չէր քաղաքականացվել, այսինքն` մինչև հունիսի 26-ը, որից հետո այն դարձավ քաղաքական: Ցավալի է, որ մեր երիտասարդներին կոտրեցին»,- ասաց Ամարյանը: