Ցուցարարները ճանապարհ չեն բացել շտապօգնության մեքենայի համար. կինը մահացել է

Yerkir.am-ի տեղեկություններով` երեկ Բաղրամյան պողոտայով շտապ բուժօգնության մեքենայով սրտի կաթվածով մի կին են տեղափոխելիս եղել հիվանդանոց: Շտապօգնության մեքենան ցանկացել է անցնել Բաղրամյան պողոտայով՝ հաշվի առնելով կնոջ ծանր վիճակը, սակայն ցուցարարները հրաժարվել են բացել աղբամաններից սարքած պատը:

«Շտապօգնություն» ՓԲԸ-ի տնօրեն Թագուհի Ստեփանյանը yerkir.am-ի հետ զրույցում նշեց, որ մեքենան ստիպված է եղել անցնել Ավետ Ավետիսյան փողոցով` երկարացնելով ճանապարհը:

«Կինը մահացել է, երբ հասցրել ենք հիվանդանոց: Կարծում եմ` կնոջ վիճակը չէր փոխվի, եթե երկու րոպե շուտ էլ հասցնեինք հիվանդանոց, քանի որ ի սկզբանե բավական ծանր է եղել վիճակը, բայց, իհարկե, հիվանդին հիվանդանոց հասցնելը երկարել է»,- ասաց նա: