Կարծում եմ` էսօր կուրախանան, նոր կցրվեն. Վլադիմիր Գասպարյան

Ինչպես Բաղրամյան պողոտայից հայտնում է Yerkir.am-ը, այս պահին  ոստիկանների մեծ մասը հեռացել է Բաղրամյան պողոտայից: Վլադիմիր Գասպարյանը, դիմելով ցուցարաներին, կոչ արեց գնալ եւ կարդալ Սերժ Սարգսյանի ելույթը:

Լրագրողների դիտարկմանը, բայց չէ՞ որ ըստ նախագահի խոսքի որոշումը չի կասեցվել, եւ խնդրի լուծումը ժամանակավոր է, ոստիկանապետը ասաց` ընկալման խնդիր է: Պատասխանելով հարցին` կցրվե՞ն այսօր ցուցարարները, Վլադիմիր Գասպարյանը պատասխանեց «Կարծում եմ` այսօր կուրախանան, նոր կցրվեն»:

Հերթական անգամ անդրադառնալով ցույցի առաջին օրը ոստիկանների կողմից գործադրած բռնություններին` Վլադիմիր Գասպարյանն ասաց. «Մենք այդ օրը ուժ չենք կիրառել, դուք դեռ չեք տեսել ուժ կիրառելը»: