Գյումրին բողոքում է էլեկտրաէներգիայի թանկացման դեմ. բախում ոստիկանների հետ

Գյումրիում մեկնարկել է էլեկտաէներգիայի թանկացման դեմ հանրահավաք-երթը, հայտնում է «Գալա TV»ն:

 Նախ Գյումրու Թատերական հրապարակում  կարճատեւ ելույթով հանդես եկան  քաղաքացիական շարժման երթի մասնակիցները՝ հայտարարելով, որ որեւէ լումա ավելի չեն վճարելու եւ ընդհանուր առմամբ ՀՀ քաղաքացին  իր վրա պարտավորություն չի վերցնում ՀԷՑ-ի կրած վնասների համար:

Ակցիայի մասնակիցները սկսեցին երթով շարժվել դեպի մարզպետարան, սակայն ոստիկանական խմբերը փակեցին նրանց ճանապարհը՝ պնդելով, որ ցուցարարները պետք է քայլեն միայն մայթերով:

Ոստիկանների եւ երթի մասնակիցների միջեւ տեղի ունեցավ բախում: Երթի մասնակիցները ճեղքեցին ոստիկանական պատը եւ շարժվեցին դեպի մարզպետարան:

Նրանք  հայտարարեցին, որ փողոցում կմնան այնքան ժամանակ, մինչեւ Երեւանի ակցիայի մասնակիցները չկողմնորոշվեն, թե ինչ են անելու հետագայում:

Մանրամասները` այստեղ: