Քըրքորյանի կտակի համաձայն՝ նրա հուղարկավորությունը կլինի ոչ հրապարակային

Ամերիկահայ միլիարդատեր Քըրք Քըրքորյանի հիմնադրած ներդրումային Tracinda կորպորացիան, ըստ նրա կտակի, կվաճառի հոլդինգային ընկերությունում՝ MGM Resorts International-ում, նրա ունեցած 16,2 տոկոս մասնաբաժինը, որը 1 միլիարդ 750 միլիոն դոլար է գնահատվում. տեղեկացնում է Yerkirmedia-ն:

Քըրքորյանն, ի դեպ, նաեւ MGM Resorts-ի հիմնադիրն է եւ եղել է ընկերության ամենամեծ բաժնետերը:

Միլիարդատերն իր հարստությունը հիմնել էր հյուրանոցների եւ խաղատների կառուցմամբ, մինչդեռ MGM Resorts International-ը Լաս Վեգաս Սթրիփի խաղատների ամենամեծ օպերատորն է:

Քըրք Քըրքորյանի կտակի համաձայն՝ նրա ոչ հրապարակային հուղարկավորությունը տեղի կունենա Լոս Անջելեսում: