Այսօր Գյումրիում տեղի կունենա Տիգրան Համասյանի համերգը

Այսօր Գյումրու Վ. Աճեմյանի անվան դրամատիկական թատրոնում տեղի կունենա Տիգրան Համասյանի համերգը` «Լույս ի լուսոյ» խորագրով: Համերգին կմասնակցի նաև Երևանի պետական կամերային երգչախումբը` Հարություն Թոփիկյանի ղեկավարությամբ: Համերգին, ինչպես և այս խորագրով մյուս համերգներին, կհնչեն Նարեկացու, Մաշտոցի և Կոմիտասի ստեղծագործությունները:

Հիշեցնենք, որ «Լոյս ի Լուսոյ»-ի շրջագայությունը մեկնարկել է մարտի 24-ին Երևանում և կշարունակվի Վրաստանի, Թուրքիայի, Լիբանանի, Ֆրանսիայի, Բելգիայի, Շվեյցարիայի, Չեխիայի, Անգլիայի, Գերմանիայի, Լյուքսեմբուրգի, Ռուսաստանի և ԱՄՆ-ի 100 եկեղեցում:

Հունիսի 11-ին Համասյանը համերգով հանդես եկավ նաև Զվարթնոցի տաճարում: