Արարատի մարզում քաղցկեղից մահացած զինվորը ընտանիքի միակ արու զավակն էր

Արարատի մարզի Նորամարգ գյուղում կայծակնային քաղցկեղից զինվոր է մահացել: Նորամարգի գյուղապետ Սարգիս Գալստյանը yerkir.am-ին հայտնեց, որ մահացածը 19-ամյա Խդր Սարոյանն է, ով 4 ամիս առաջ էր զորակոչվել: Գյուղապետը հայտնեց,  որ Խդրը սկզբում Արցախում էր ծառայում, հետո տեղափոխվել էր  Վանաձոր:

«Վերջին շրջանում Մուրացանի հոսպիտալում էր պառկած, 5 օր առաջ բերեցին տուն, այստեղ էլ մահացավ»,- yerkir.am-ի հետ զրույցում հայտնեց գյուղապետն ու հավելեց, որ տղան նոր էր ընդունվել Երևանի պետական համալսարան:

Գալստյանը հայտնեց, որ Խդրը ընտանիքի միակ արու զավակն էր, տղայի ծնողներն անասնապահությամբ են զբաղվում: Սարոյանի հոգեհանգիստը տեղի կունենա վաղը: