Համայնքների խոշորացումն ինքնանպատակ չէ, այն հաջող ծրագիր է. Արագածոտնի մարզպետ

Արագածոտնի մարզպետ Սարգիս Սահակյանի կարծիքով` համայնքների խոշորացումը բավական հաջող ծրագիր է և ինքնանպատակ չէ դրա իրականացումը: «Այս ծրագիրն ուղղված է համայնքների խոշորացմանը, զարգացմանը, և մենք պետք է փորձենք այնպես անել, որ այս ծրագրին չխոչնդոտենք»,- ասաց մարզպետը:

Հարցին` եթե այդ ծրագիրը կիրառվի նաև իրենց մարզում` բնակիչներն ավելի շատ կո՞ղմ կլինեն, թե՞ դեմ, Սարգիս Սահակյանը պատասխանեց, որ դեռևս չի կարող ասել, և երբ նման ծրագիր լինի իրենց մարզում, այդ ժամանակ էլ պարզ կդառնա բնակիչների տրամադրվածությունը:

Yerkir.am-ի հարցին, թե իրատեսական համարո՞ւմ է համայնքների խոշորացումից հետո մարզերի խոշորացումը, Արագածոտնի մարզպետը պատասխանեց. «Դե, դա դեռ չկա ծրագրում, որ լինի, կիմանանք»: