Մենք, իհարկե, շարունակում ենք աշխատել Հայաստանի հետ. Դոնալդ Տուսկ

Եվրոպայի խորհրդի նախագահ Դոնալդ Տուսկը Ռիգայի գագաթաժողովի ամփոփիչ ասուլիսում, խոսելով Հայաստանի հետ հարաբերությունների մասին, նշեց, որ ԵՄ-ն շարունակում է աշխատել ՀՀ-ի հետ, որը ԵՄ-ի հետ փոխհարաբերությունների յուրահատուկ ձևաչափ ունի:

«Մենք հերթական անգամ մեր աջակցությունն ենք հայտնում այն երկրներին, որոնք ձգտում են անհատական հարաբերությունների ԵՄ-ի հետ: Դա վերաբերում է ՀՀ-ին, որը նույնպես ԵՄ-ի հետ հարաբերությունների յուրահատուկ ձևաչափ ունի: Մենք, իհարկե, շարունակում ենք աշխատել Հայաստանի հետ: Դա չի բացառում, այլ հակառակը՝ զարգացնում է մեր երկկողմ հարաբերությունները: Մենք շարունակում ենք վերաբերվել մեր գործընկերության պահպանմանը որպես ծայրահեղ կարևոր նպատակի»,- ասել է ԵԽ նախագահը: