ԲՀԿ-ն կողմ է կիսանախագահական կառավարման մոդելին

Այսօր` խորհրդարանական ճեպազրույցների ժամանակ, լրագրողները հարցեցին ԱԺ ԲՀԿ խմբակցության պատգամավոր Միքայել Մելքումյանին, թե ի՞նչ դիրքորոշում ունի ԲՀԿ-ն սահմանադրական փոփոխությունների վերաբերյալ:

Պատգամավորը նշեց, որ ԲՀԿ-ն մնում է իր տեսակետին, և, քաղաքական կոնսուլտացիաների շրջանակում հանդիպելով ՀՀ նախագահի հետ, արձանագրել են, որ չի բացառվում, որ լինի կիսանախագահական կառավարման համակարգի տեքստ: ԲՀԿ-ի կարծիքով` կիսանախագահական համակարգի բարելավման հնարավորություն կա:

Մասնավորեցնելով` պատգամավորը նշեց, որ այսօր պարզ չէ, թե խորհրդարանական կառավարման դեպքում երկրի ներքին ու արտաքին անկայունության պարագայում ով է լինելու երկրի գերագույն գլխավոր հրամանատարը: ԲՀԿ-ն կարծում է, որ Հայաստանում պետք է լինի հստակ աշխատող վարչական ռեսուրս, որը թույլ կտա լուծել հարցերը անկայունության դեպքում, որովհետև պարզ չէ, թե պառլամենտականի դեպքում ինչպես է լուծվելու առաջնային մանդատի խնդիրը:

«Եթե կլինի կիսանախագահական կառավարման համակարգի հետ կապված տեքստ, ապա մենք կտանք մեր առաջարկները, որոնք հենց այսօր էլ պատրաստ են»,- ասաց Միքայել Մելքումյանը: