Հերթական միջադեպը՝ Սուրիկ Խաչատրյանի որդու մասնակցությամբ

Մայիսի 2-ին միջադեպ է տեղի ունեցել Գորիսում: Ոստիկանությունից yerkir.am-ին հայտնեցին, որ Գորիսի բժշկական կենտրոնից ոստիկանություն հաղորդում է ստացվել, որ իրենց մոտ է տեղափոխվել աջ աչքի վնասվածքով, կոպի պատռվածքով քաղաքացի: Պարզվել է, որ քաղաքացին վնասվածքը ստացել է նույն օրը Սդղի գյոլ կոչվող տարածքում՝ վիճաբանության ժամանակ: Դեպքի առթիվ կատարվում է հետաքննություն:

Նշենք, որ, NЕWS.am-ի տեղեկություններով, միջադեպի մասնակիցը Սյունիքի մարզպես Սուրիկ Խաչատրյանի որդին է եղել՝ Տիգրանը: Ըստ կայքի տվյալների՝ մայիսի 2-ի երեկոյան Տիգրան Խաչատրյանը մեքենա վարելիս վիճաբանել է զուգահեռ անցնող ավտոմեքենայի վարորդի հետ,  ապա պայմանավորվել են հանդիպել Սդղի գյոլ կոչվող հատվածում: Երեկոյան երկու եղբայրներ, ովքեր Ավետիք Բուդաղյանի հետ բարեկամական կապեր ունեն եւ որոշակի խնդիրներ են ունեցել Սյունիքի մարզպետի հետ, գնացել են նշված տարածք, որտեղ էլ ծեծկռտուք է եղել: Նկատենք, որ Տիգրան Խաչատրյանը հաճախակի է հայտնվում իրավապահների ուշադրության կենտրոնում: