Վարչապետի փոփոխության հարց ՀՀԿ-ում չեն քննարկում

Այսօր տեղի ունեցած  ՀՀԿ ԳՄ նիստում քննարկվել են Հայոց ցեղասպանության 100-րդ տարելիցին նվիրված միջոցառումները: Այդ մասին նիստից հետո լրագրողներին ասաց ՀՀԿ մամուլի խոսնակ Էդուարդ Շարմազանովը: Նա նշեց, որ անդրադարձ է եղել նաեւ սահմանադրական բարեփոխումներին:

Պատասխանելով հարցին, թե որքանով են  Հովիկ Աբրահամյանի առաջիկա պաշտոնանկության մասին տեղեկությունները հավաստի՝ Շարմազանովն ասաց.  «Վարչապետի կամ կառավարության կազմի փոփոխության հարց օրակարգում չկա. դրված է  բարեփոխումների հարց»:

Շարմազանովն ընդգծեց, որ կառավարության եւ' ձախողումները եւ' հաջողություները ողջ քաղաքական թիմինն են:

Ի դեպ, ՀՀԿ մամուլի խոսնակը տեղեկացրեց, որ ՀՀ նախագահ Սերժ Սարգսյանը մյուս շաբաթ կմեկնի ԱՄՆ, այնուհետեւ՝ Մոսկվա՝ մասնակցելու ԵՏՄ խորհրդի նիստին եւ  Հաղթանակի 70-ամյակի  տոնակատարություններին։