Թբիլիսիում սկսվել է Սաակաշվիլիի դեմ դատավարությունը

Թբիլիսիում սկսվել է Վրաստանի նախկին նախագահ Միխեիլ Սաակաշվիլիի գործով դատավարությունը: Նրան մեղադրում են 2007թ. նոյեմբերի 7-ին ընդդիմության խաղաղ ցույցի ժամանակ ծառայողական լիազորությունները չարաշահելու մեջ: Սաակաշվիլին, ով ներկայում  Ուկրաինայում է ապրում եւ աշխատում է այդ երկրի նախագահի ապարատում, հրաժարվել է Skype-ով մասնակցել դատական գործընթացին:

Եթե Վրաստանի նախկին նախագահը մեղավոր ճանաչվի, հեռակա կարգով կդատապարտվի 8 տարվա ազատազրկման: Նույն գործով մեղադրանք է առաջադրվել  նաեւ ներքին գործերի նախկին նախարար Վանո Մերաբիշվիլիին, պաշտպանության նախկին նախարար Դավիդ Կեզերաշվիլիին, արդարադատության նախկին նախարար Զուրաբ Ադեիշվիլիին և Թբիլիսիի նախկին քաղաքապետ Գիգի Ուգուլաային:

Սաակաշվիլիի դեմ ևս երեք քրեական գործեր է հարուցվել:

Ի դեպ, Կիևը մերժել է Սաակաշվիլիին հանձնելու՝ Թբիլիսիի պահանջը: