Ռոստովում սկսվել է օրենքով գող Սերգեյ Ասատրյանի դատավարությունը

Այսօր Ռոստովի մարզային դատարանում սկսվել են քրեական աշխարհում Օսետրինա եւ Սերյոժա Բենթլի մականուններով հայտնի Սերգեյ Ասատրյանի գործով դատալսումները: Հոկտեմբերի 5-ին կայացած նախնական լսումների արդյունքում դատարանը նրա ձերբակալության ժամեկտը երկարացրել է կես տարով` մինչեւ 2012-ի մարտի 12-ը: Ամբաստանյալին սպառնում է մինչեւ 12 տարվա ազատազրկում. տեղեկացնում է armtoday.info-ն:

Վրաստանում 1986 թվականին ծնված քրեական հեղինակությունը ձերբակալվել է Մոսկվայում հուլիսի 23-ին: Ոստիկանության տվյալներով` Ասատրյանի հրամանով դաժան ծեծի են ենթարկել Ռոստովի մարզի քրեակատարողական հիմնարկում պատիժ կրողներից մեկին, քանի որ վերջինս Ասատրյանի հանցագործ կլանի հասցեին վարկաբեկիչ տեղեկություններ է տարածել:

Սերգեյ Ասատրյանը համարվում է ամենաերիտասարդ «օրենքով գողը»: Նրա հայրը` Էդիկ Թբիլիսցին, քրեական հեղինակություն Դեդ Հասանի շրջապատից է: