Թուրք պրոֆեսորը տեղեկացված չէր Ադրբեջանի մասին

Այսօր լրագրողների հետ հանդիպման էին եկել մի խումբ թուրք քաղաքական գործիչներ, որոնց թվում էր բժշկական գիտությունների դոկտոր, պրոֆեսոր Ջեմ Թերզին: Նա նշեց, որ նախաձեռնել ու ստեղծել է «Ժողովուրդների կամրջում» միությունը, որը պայքարում է ժողովուրդների նկատմամբ ատելության սերմանման քաղաքականության դեմ:

Yerkir.am-ի այն հարցին, թե ժողովուրդների նկատմամբ ատելության սերմանման քաղաքականության տեսակետից տեղյա՞կ են, թե ինչ քաղաքականություն են վարում այսօրվա Ադրբեջանի իշխանությունները: Ջեմ Թերզին փորձեց խուսափել հարցից` ասելով. «Ես չեմ կարող ինձ լիազորություն վերապահել` դրա մասին խոսել: Ոչ թե համարձակությունս չի ներում, այլ տեղեկացված չեմ Ադրբեջանի մասին»: