Ռուսաստանը կնպաստի հայ-թուրքական արձանագրությունների վավերացմանը. Լավրով

Մոսկվան կնպաստի, որ Թուրքիայի և Հայաստանի միջև համագործակցության զարգացման փաստաթղթերն ուժի մեջ մտնեն: Այդ մասին հայտարարել է Ռուսաստանի արտգործնախարար Սերգեյ Լավրովը Эхо Москвы, Sputnik և Говорит Москва ԶԼՄ-ներին տված հարցազրույցում. հայտնում է РИА Новости-ն:

«Մենք կողմ ենք, որ  հայ-թուրքական հարաբերությունները կարգավորվեն, Ղարաբաղյան հակամարտությունը լուծվի, և այդպիսով կարգավորվեն հայ-ադրբեջանական հարաբերությունները: Դրա համար շատ բան ենք անում»,- ասել է նա:

«Ռուսաստանը մի քանի տարի առաջ աջակցել է սահմանները բացելու, համագործակցության զարգացման մասին փաստաթղթերի մշակման գործընթացին, որը նախաձեռնեցին Անկարան և Երևանը: Ցավոք, փաստաթղթերը ստորագրվել են, բայց ուժի մեջ չեն մտել, քանի որ  Թուրքիայում չստացվեց այս փուլում վավերացնել դրանք: Բայց մենք կնպաստենք, որ դա տեղի ունենա»,- ասել է Լավրովը: