Նախարարը վստահեցնում է՝ խաղողի մթերման հետ կապված խնդիրներ չեն առաջանա

Գյուղատնտեսության նախարար Սերգո Կարապետյանը Yerkir.am-ի հետ զրույցում տարօրինակ օլիմպիական խաղաղությամբ հայտարարեց, որ խաղողի մթերման և արտահանման գործընթացում ամեն ինչ կարգին է, և որևէ խնդիր չկա:

Տեղեկացնենք, որ խաղողի արտադրությամբ զբաղվող գյուղացիները խաղողի մթերման հետ կապված լուրջ անհանգստություններ ունեն, քանի որ, որոշ տեղեկությունների համաձայն, խաղող մթերող մի շարք ընկերություններ հայտարարել են, որ այս տարի հրաժարվելու են մթերումներից և կառավարությանը հորդորել են իրենցից հույսները կտրել` կոնյակ, գինի արտադրող-արտահանողների ֆինանսական վիճակը վատ է:

Գյուղատնտեսության նախարարին տեղեկացրեցինք գյուղացիների մտահոգության մասին և ասացինք, որ նրանք բողոքում են, թե անելանելի դրության մեջ են հայտնվել և իրենց մթերքն իրացնելու խնդիր ունեն: «Ես ասում եմ` մենք որևէ խնդիր չունենք, Դուք ասում եք` նրանք ասո՞ւմ են»,- ասաց նախարարը և հեռացավ՝ չպատասխանելով մեր մյուս հարցերին: