Մի՛ կեր, ավելի լավ. Սերգեյ Դանիելյանը` հացադուլ անողների մասին

Էլեկտրաէներգիայի թանկացման դեմ տարվող պայքարը պետք է ուրիշ փուլ մտնի, և եթե ՀԷՑ-ը խփում են մեր գրպանին, մենք էլ պիտի իրենց գրպանին հարված տանք. այսօր լրագրողներիի հետ զրույցում ասաց դերասան Սերգեյ Դանիելյանը:

Ըստ նրա` անհրաժեշտ է ուղղակի անջատել լույսերը` օրական մեկ ժամով: «Դրանից ոչինչ չի փոխվի մեր կյանքում, բայց նրանք կտուժեն: Եկեք` քայլեր անենք` գործադուլ, չվճարենք հոսանքի համար, թե չէ` ապրանքն իրենն է, ինքն էլ թանկացնում է, դեմը ո՞նց առնենք: Ինչքա՞ն կարելի է փողոցում կանգնել»,- նշեց նա:

Էլեկտրաէներգիայի թանկացման դեմ պայքարը, Դանիելյանի կարծիքով, մի բան ցույց տվեց, որ, բացի «լպստած գալստուկներով ՀՀԿ-ականներից», էլի մարդիկ կան: «Մնացած ճիճուները` ուսխորհուրդներ, չգիտեմ ինչեր, էդպես էլ չերևացին այս ընթացքում»,- ասաց նա:

Խոսելով ցուցարարներից որոշների` հացադուլ անելու մասին` Դանիելյանը նշեց, որ սխալ է հացադուլը, ոչ մի արդյունք չի տալու: «Մի\' կեր, ավելի լավ: Ես, օրինակ, ոչ մի ռեակցիա չէի տա»,- ասաց դերասանը: