Պետք չէ այս պահին խոսել Քարդաշյանի բարոյականության կամ «տալիա»-ի չափերի մասին

Մենք հյուրընկալ ազգ ենք և հյուրերին պետք է հյուրին վայել էլ ընդունենք: Այս մասին այսօր լրագրողներին ասաց Հովհ. Թումանյանի անվան տիկնիկային թատրոնի տնօրեն Ռուբեն Բաբայանը` անդրադառնալով Քիմ Քարդաշյանի` Հայաստան այցին:

Ըստ նրա` չպետք է երկար-բարակ քննարկենք այս հարցը և պարզապես ընդունենք նրան: «Պետք չէ նաև այս պահին խոսել նրա բարոյականության կամ «տալիա»-ի չափերի մասին: Ի՞նչ է, պետք է սահմանային անցակետում հսկիչներ լինեն, որ ամեն Հայաստան մտնողի բարոյականությո՞ւնը ստուգեն»,- ասաց Բաբայանը:

Ասուլիսի մյուս բանախոսը` երգիչ, երգահան Արտավազդ Բայաթյանը, նշեց, որ Քիմ Քարդաշյանի` Հայաստան այցին նորմալ է վերաբերվում, և պետք չէ այլ երանգավորումներ տալ այս հարցին: