Դատավորի համբավն ավելի ցածր է, քան, օրինակ, քաղաքական գործիչներինը. Կոսմա Զլոտովսկի

ԱԺ-ում ընթանում է «Եվրանեսթ»-ի ԽՎ չորրորդ լիագումար նիստը, որտեղ քննարկվում է ԵՄ ֆինանսական աջակցությունը արդարադատության ոլորտում:

Եվրախորհրդարանի ներկայացուցիչ Կոսմա Զլոտովսկին նշեց. «Երբ խոսում ենք արդարադատության մասին, թվում է, թե բավական է փոփոխել օրենքները, և դատավորները կփոխվեն, բայց դա այդպես չէ: Արդարադատության համակարգում ամենակարևորը մարդիկ են: Եվ ես համոզված եմ, որ այն դատավորները, ովքեր գործել են նախորդ ռեժիմի ժամանակ և համագործակցել նախորդ իշխանությունների հետ, չպետք է տեղ զբաղեցնեն նոր իշխանությունների ձևավորած  դատական համակարգում: Հակառակ դեպքում` ընկնում է դատավորի հեղինակությունը: Այսօր դատավորի համբավն ավելի ցածր է, քան, օրինակ, քաղաքական գործիչներինը: Շատ հաճախ դատավորները հեռու են ողջամտությունից: Նախորդ իշխանությունների օրոք գործող դատավորներն անգամ հետո չպետք է գնան համալսարաններ` դասավանդելու»: