Թուրքիայի ԱԳՆ-ն վրդովված է Եվրախորհրդարանի` Հայոց ցեղասպանությունը ճանաչելու կոչից

Եվրախորհրդարանի` ԵՄ երկրներին ուղղված կոչը` ճանաչել Ցեղասպանությունը, մեծ վրդովմունք է առաջացրել Թուրքիայում:

 Ըստ Haberler-ի` Թուրքիայի ԱԳ նախարարության մամուլի խոսնակ Թանժու Բիլգիչը, Եվրախորհրդարանի այդ հայտարարությունները «չափազանց խնդրահարույց» անվանելով, ափսոսանքով դատապարտել է դրանք:

Նշելով, որ Եվրախորհրդարանն այդ հարցում միակողմանի մոտեցում է ցուցաբերում, նա ասել է,. «Զեկույցը անտրամաբանական և ապօրինի պահանջներ է ներկայացնում»:

«Դրանից տուժում են Թուրքիա-ԵՄ հարաբերություններն ու դժվարացնում թուրքերի և հայերի համատեղ ապագա ստեղծելը»,- ասել է Բիլգիչը: Հայտարարության վերջում նա նշել է, որ Թուրքիան շարունակելու է իր դեմ արված քայլերի դեմ միջոցներ ձեռնարկել: