Կարմիր խաչի ներկայացուցիչները կրկին այցելել են Ադրբեջանում հայտնված հայ զինծառայողին

Yerkir.am-ի տեղեկությություններով` օրերս Կարմիր խաչի միջազգային կոմիտեի ներկայացուցիչները կրկին այցելել են 2 ամսից ավելի ադրբեջանական գերության մեջ գտնվող` պայմանագրային զինծառայող Արսեն Բաղդասարյանին: Այս տեղեկությունը մեզ հետ զրույցում հաստատեց ԿԽՄԿ Հայաստանի գրասենյակի հաղորդակցման ծրագրերի ղեկավար Զառա Ամատունին: Նա հայտնեց, որ այցելության ընթացքում ընտանեկան բնույթի երկկողմանի տեղեկատվություն է փոխանակվել:

Հիշեցնենք, որ Արսեն Բաղդասարյանը ադրբեջանական կողմում էր հայտնվել 2014թ. դեկտեմբերի 26-ին։ Նա միաժամանակ մեղադրվում է զորամասը կամ ծառայության վայրն ինքնակամ լքելու մեջ: ԿԽՄԿ-ի ներկայացուցիչներին առաջին անգամ հաջողվել էր այցելել Արսենին փետրվարին: