Ռուսաստանում հերքում են, իսկ Գյումրու ռուսական ռազմաբազայում հաստատում զինծառայողի անհետացման մասին լուրը

Ռուսաստանի Հարավային ռազմական շրջանի մամուլի ծառայությունը հերքել է Հայաստանում ռուսական ռազմաբազայի զինծառայողի անհետանալու մասին տեղեկությունը. հայտնում է Интерфакс-ը:

«Հայաստանում ռուսական ռազմաբազայի ամբողջ անձնակազմը գտնվում է մշտական տեղակայման կետերում»,- գործակալությանը հայտնել է զորքերի հրամանատարի օգնական, Հարավային ռազմական շրջանի մամուլի ծառայության ղեկավար գնդապետ Իգոր Գորբուլը:

Սակայն նշենք, որ Հայաստանում ՌԴ ԱԴԾ սահմանային վարչության մամուլի խոսնակ Սերգեյ Գրեչինը  news.am-ի հետ զրույցում հաստատել էր զինծառայողի անհետանալու փաստը` հավելելով, որ անհետացած զինծառայողը հանգստյան օրից հետո ծառայության չէր ներկայացել:

Yerkir.am-ի տեղեկություններով` զինծառայողին փնտրում են նաև ռուսական ռազմաբազայի ծառայողները:

Իսկ ՀՀ ոստիկանությունից yerkir.am-ին հայտնեցին, որ այս պահի դրությամբ դեռ շարունակվում են Արթուր Աֆյանի որոնողական աշխատանքները: