470 մլն ռուբլու խարդախություն` Գյումրու 102-րդ ռազմաբազայում

Դոնի Ռոստով քաղաքում ավարտվել է Հարավային և Կենտրոնական ռազմական շրջանների պարենային ապահովման ծառայությունում ղեկավար պաշտոններ զբաղեցրած գնդապետ Դենիս Զորինի գործի հետաքննությունը. հայտնում է Коммерсантъ-ը: Ըստ պարբերականի` նա  մեղադրվում է խարդախության և պաշտոնական դիրքի չարաշահման մեջ:

Հետաքննության վարկածով`  Զորինը առնչություն է ունեցել Գյումրիում տեղակայված ռուսական 102-րդ ռազմաբազայի համար պարենի գնման հետ կապված խարդախություններին: Վնասի չափը կազմում է ավելի քան 470 մլն ռուբլի:

Հետաքննությունը սկսվել է 2014-ին: Պաշտպանությունը մի քանի անգամ միջնորդել է, որ փոխվի Զորինի խափանման միջոցը, սակայն նա դեռ շարունակում է  կալանքի տակ մնալ: