Ըստ փոխնախարարի` Գագիկ Խաչատրյանը հարկերից չի խուսափում

ԱԺ-ում լրագրողները ֆինանսների փոխնախարար Վախթանգ Միրումյանից հետաքրքրվեցին հանգստի մեկնած` ՀՀ ֆինանսների նախարար Գագիկ Խաչատրյանից, թե ինչպե՞ս է նրա առողջական վիճակը, որովհետև, ըստ տեղեկությունների, նա վիրահատվել է:

«Գագիկ Խաչատրյանն արդեն աշխատանքի է գալիս և նրա ապաքինումն ընթացքի մեջ է»,- ասաց փոխնախարարը:

Լրագրողի հարցին, թե, որպես քաղաքացի, ի՞նչ է կարծում` արդյո՞ք Հակոբ Հակոբանի ձերբակալումը կվնասի հայ կինեմատոգրաֆիային, Միրումյանը պատասխանեց. «Բոլոր նրանք, ովքեր կխուսափեն հարկերից կպատժվեն»:

Լրագրողի դիտարկմանը, թե հարկերից խուսափողների թվում նշվում է նաև Գագիկ Խաչատրյանի անունը, Միրումյանը չհամաձայնեց` ասելով, որ այդ խոսակցությունները չեն համապատասխանում իրականությանը: