Բունդեսլիգա. «Բավարիա»-ն առաջին պարտությունը կրեց (տեսանյութ)

Երեկ մեկնարկեց Գերմանական բունդեսլիգայի 18-րդ տուրը: Տուրի մեկնարկային խաղում 2-րդ տեղում ընթացող «Վոլֆսբուրգ»-ը սեփական հարկի տակ ընդունեց առաջատար «Բավարիա»-ին, որն ընթացիկ առաջնությունում դեռևս պարտություն չէր կրել:

Տանտերերն արդեն 4-րդ րոպեին առաջ անցան հաշվի մեջ: Գոլի հեղինակ դարձավ Բաս Դոստը: 1-ին խաղակեսի վերջին րոպեին հոլանդացի հարձակվողը  2-րդ անգամ գրավեց մրցակցի դարպասը: 53-րդ րոպեին Կեւին դե Բրյունեն հաշիվը դարձրեց 3:0:  2 րոպե անց մյունխենցիները կրճատեցին հաշվի տարբերությունը: Աչքի ընկավ Խուան Բերնատը: 73-րդ րոպեին Բրյունեն, դառնալով դուբլի հեղինակ, վերջակետ դրեց հանդիպմանը` 4:1, և մյունխեցիները կրեցին առաջին պարտությունը ընթացիկ առաջնությունում:

Այս հաղթանակից հետո «Վոլֆսբուրգ»-ը միավորների տարբերությունը «Բավարիա»-ի նկատմամբ հասցրեց 8-ի:

Բունդեսլիգայի 18-րդ տուրի մյուս հանդիպումները տեղի կունենան այսօր և վաղը: